Վենեսուելան պահանջել է նախկին գլխավոր դատախազի և PDVSA-ի նախկին ղեկավարի արտահանձնումը
Վենեսուելայի Գերագույն դատարանը պահանջել է արտահանձնել երկրի նախկին գլխավոր դատախազ Լուիսա Օրտեգա Դիասին և ՄԱԿ-ում Վենեսուելայի նախկին մշտական ներկայացուցիչ ու PDVSA ընկերության նախկին ղեկավար Ռաֆայել Ռամիրեսին: Այս մասին հաղորդում է РИА Новости-ն:
Օրտեգա Դիասի դեպքում պահանջը ներկայացվել է Կոլումբիային: Նշվում է, որ նախկին գլխավոր դատախազը կասկածվում է «հայրենիքի դավաճանության և պետական գործառույթներն ապօրինաբար յուրացնելու» մեջ:
Ռամիրեսը մեղադրվում է ֆինանսական խարդախությունների (մասնավորապես՝ հափշտակությունների) մեջ: Հայտնի է, որ գլխավոր դատախազությունը դեռ 2018 թվականի հունվարին մտադիր էր Ինտերպոլին Ռամիրեսի նկատմամաբ միջազգային հետախուզում հայտարարելու դիմում ուղարկել, իսկ 2017 թվականի դեկտեմբերին կոռուպցիայի գործով քրեական հետաքննություն է սկսել PDVSA-ի նախկին ղեկավարի և նրա ազգական Դիեգո Սալասարի դեմ: