Թուրքական ԶՈւ-ն հրթիռակոծություն է ձեռնարկել Իրաքի հյուսիսում
Թուրքական ԶՈւ-ն օդային գործողություն է ձեռնարկել Իրաքի հյուսիսում՝ հարվածներ հասցնելով «Քրդստանի աշխատավորական կուսակցություն» խմբավորման զինյալների դիրքերին, այս մասին տեղեկացնում է թուրքական «Միլլիյեթ» պարբերականը։
Թուրքական կողմը պնդել է բազմաթիվ թաքստոցներ հրթիռակոծելու ու մի քանի քուրդ գրոհայինի մահվան մասին։
Քրդական կողմը, սակայն, դեռևս չի մեկնաբանել տարածված տեղեկատվությունը։
Հիշեցնենք, որ ՔԱԿ-ը քրդական կազմակերպություն է, որի հիմնական նպատակն է զինված պայքարի միջոցով Թուրքիայի հարավ-արևելյան, Իրաքի հյուսիսային, Իրանի հյուսիս-արևմտյան և Սիրիայի հյուսիս-արևելյան տարածքներում հիմնել քրդական անկախ պետություն: Թուրք-քրդական հարաբերությունների սրման հերթական փուլը սկսվել է 2015-ի ամռանը:
Կազմակերպությունը 1978 թվականին հիմնադրել է Աբդուլլահ Օջալանը: