Դուեյն Ջոնսոնը կկատարի Հավայան թագավորության առաջին թագավորի դերը
Հոլիվուդյան դերասան Դուեյն Ջոնսոնը, որը հայտնի է նաև «Ժայռ» մականվամբ, կնկարահանվի Ռոբերտ Զեմեկիսի նոր «Թագավորը» ֆիլմում, որում կկատարի Հավայան թագավորության առաջին թագավորի՝ Կամեամեա I-ի դերը, գրում է The Hollywood Reporter-ը:
Հաղորդվում է, որ նոր ֆիլմի սցենարի հեղինակը կլինի Ռենդալ Ուոլեսը, որն աշխատել է այնպիսի հանրահայտ ֆիլմերի սցենարների վրա, ինչպիսին են «Քաջ սիրտը», «Երկաթե դիմակով մարդը», «Պեռլ Հարբորը» և այլն:
Պարբերականը նշում է, որ Զեմեկիսի «Թագավորը» լինելու է «ցնցող պատմական էպոս», որը, սակայն, հիմնված կլինի Կամեամեա I-ի կյանքի իրական պատմության վրա: