Էլմիրա Կարապետյանը երկրորդ տեղն է գրավել Կահիրեում ընթացող հրաձգության միջազգային մրցաշարում
Եգիպտոսի Կահիրե քաղաքում ընթացող Շեյխա Ֆատիմայի անվան ամենամյա բաց առաջնությունում Հայաստանի ներկայացուցիչ Էլմիրա Կարապետյանը օդամղիչ ատրճանակ 10մ մրցափուլի եզրափակչում բարելավելով դիրքերը` խոցել է 237.2 միավոր և գրավել 2-րդ հորիզոնականը:
Այս մասին հայտնում է Հայաստանի հրաձգության ֆեդերացիայի մամուլի քարտուղարությունը:
Նշենք` մեր մարզուհին 3-րդ հորիզոնականով էր անցել` եզրափակիչ փուլ խոցելով 564 միավոր: