Մոնսերատ Կաբալյեի հուղարկավորության արարողությունը՝ ֆոտոշարքով
Բարսելոնայի Սան Անդրեու գերեզմանատանը հոկտեմբերի 8-ին տեղի է ունեցել համաշխարհային ճանաչում վայելող օպերային երգչուհի Մոնսերատ Կաբալյեի հուղարկավորության արարողությունը:
BBC-ի հաղորդմամբ՝ արարողությանը ներկա են գտնվել բազմաթիվ մշակութային գործիչներ, Իսպանիայի քաղաքական էլիտայի, թագավորական ընտանիքի ներկայացուցիչներ, այդ թվում՝ վարչապետ Պեդրո Սանչեսն ու թագուհի Սոֆիան:
Աղբյուրը հավելում է, որ սոպրանոն հուղարկավորվել է ծնողների կողքին:
Կաբալյեն մահացել է 85 տարեկանում: Նրա կարիերան տևել է 5 տասնամյակ: Այդ ընթացքում տաղանդաշատ իսպանուհին իր ձայնի շնորհիվ միջազգային աստղ է դարձել՝ ելույթ ունենալով աշխարհի ամենահեղինակավոր բեմերում:
Երգչուհին մի շարք առողջական խնդիրներ է ունեցել ու նախորդ շաբաթ բուժվում էր Բարսելոնայի հիվանդանոցներից մեկում:
1985թ. նրա մոտ գլխուղեղի քաղցկեղ էր ախտորոշվել, իսկ 1993թ. երգչուհին սրտի վիրահատություն էր տարել: