Հայտնաբերվել են 226 մահացած անձանց վերաբերյալ տվյալներ. Մնացական Բիչախչյան
Ոստիկանության անձնագրային վարչության պետ Մնացական Բիչախչյանը Tert.am-ի հետ զրույցում հայտնեց, որ հոկտեմբերի 21-ին սպասվող տեղական ինքնակառավարման մարմինների ընտրություններին ընդառաջ ընդհանուր առմամբ բոլոր համայնքներում հայտնաբերվել են 226 մահացած անձանց վերաբերյալ տվյալներ:
Նա նշեց, որ ՏԻՄ ըտնրությունների հետ կապված ցուցակները սահմանված կարգով քվեարկությունից երկու օր առաջ կհրապարակվեն տեղամասերում, և քաղաքացիները կարող են ծանոթանալ իրենց տվյալներին: «Այս ընթացքում ՏԻՄ ընտրությունների ժամանակ ևս կատարվեցին բնակարան այցելություններ, որպեսզի չլինեն անճշտություններ», - ասաց նա:
Մնացական Բիչախչյանը նշեց, որ սովորաբար ՏԻՄ ընտրություններին բնակարաններ այցելություններ չեն եղել և սա առաջին դեպքն է: «Միշտ համապետական և Երևան քաղաքի ընտրության ժամանակ է եղել բնակարան այցելություններ: Սա առաջին դեպքն է, որ ոստիկանության պետի կողմից հանձնարարվել է բնակարան այցելություններ կատարել նաև ՏՒՄ ընտրություններին»,-ասաց նա և նշեց, որ դրա նպատակն իդիալականին մոտ ընտրություններ ունենալն է:
«Որևէ խնդիր չկա և չեմ կարծում որևէ խնդիր առաջանա»,-հավելեց նա: