«Չելսիի» նախկին գլխավոր մարզիչ Անտոնիո Կոնտեն 23 մլն եվրո փոխհատուցում է պահանջում
«Չելսիի» նախկին գլխավոր մարզիչ Անտոնիո Կոնտեն լոնդոնյան ակումբից փոխհատուցում է պահանջում պայմանագիրը ժամանակից շուտ խզելու համար:
Ինչպես հայտնում է La Gazzetta dello Sport-ը, իտալացի մասնագետը ցանկանում է 23 մլն եվրո ստանալ անգլիական թիմից:
Դրանցից 13 մլն եվրոն` պայմանագրի ավարտից շուտ հեռացվելու, և ևս 10 մլն եվրոն` հեղինակությանը վնաս հասցնելու համար:
Ընդ որում, «Չելսին» համաձայն չէ Կոնտեի պահանջների հետ, և իրավաբանական ծառայությունը, ի պատասխան, մեղադրանք է ներկայացնում իտալացու դեմ` իր մի շարք պարտականություններ չկատարելու համար:
Մասնավորապես, լոնդոնյան ակումբի կարծիքով, Կոնտեն խախտել է հովանավորչական պարտականությունները «կապույտների» գործընկերների հետ, իր մեքենան չի կայանել բազայի մոտակայքում նախատեսված վայրում և հաճախ ուշացել է մամուլի ասուլիսներից: