Ըմբշամարտի Մ23 տարեկանների ԱԱ. Արմեն Մելիքյանը պարտվեց բրոնզե մեդալի համար պայքարում
Բուդապեշտում է շարունակվում է ըմշամարտի աշխարհի Մ23 տարեկանների առաջնությունը:
Այսօր Հայաստանի ներկայացուցիչ, 60 կգ քաշային Արմեն Մելիքյանը սփոփիչ գոտեմարտում 9:0 հաշվով հաղթանակ էր տարել գերմանացի Քրիստոֆեր Ժոզեֆ Կրամերի նկատմամբ և պայքարեց բրոնզե մեդալի համար:
Երրորդ տեղի համար պայքարում մեր ըմբիշը մրցեց Իրանի ներկայացուցիչ Մեհդի Մոհսեն Նեժադի հետ: Ցավոք, Մելիքյանը պարտվեց 1:8 հաշվով և զրկվեց բրոնզե մեդալից:
Այսպիսով, հունահռոմեական ոճում Հայաստանի բոլոր ներկայացուցիչներն ավարտեցին իրենց ելույթները: Մեր ընտրանին ոչ մի մեդալ չկարողացավ նվաճել մրցաշարի ընթացքում: