«Ակտոբեի» նոր սեփականատերը խոսել է Մարկոս Պիզելիի ապագայի մասին
Ղազախական «Ակտոբեի» նոր սեփականատեր Սամատ Սմակովը խոսել է թիմի կիսապաշտպան Մարկոս Պիզելիի ապագայի մասին:
«Մարկոս Պիզելին շատ բան է արել մեր ակումբի համար: Այստեղ հարցեր չկան: Չնայած, որ նա վնասվածք ունի, ակումբը նրան նոր պայմանագիր կառաջարկի: Չի կարելի պարզապես հեռացնել վնասվածք ունեցող ֆուտբոլիստի:
Ես վերջերս եմ ավարտել ֆուտբոլիստի կարիերան և շատ լավ գիտեմ, թե դա ինչ է նշանակում: Ցավոք` նման դեպքեր լինում են: Ես պահպանում եմ կապս Մարկոսի ներկայացուցիչների հետ: Նա պետք է վիրահատության ենթարկվի Իտալիայում: Եթե ամեն ինչ լավ ընթացք ունենա, ապա Պիզելին կվերսկսի մարզումները գալիք տարվա հունվարին»,- նշել է Սմակովը: