«Իմ քայլին»` մոտ 78 մլն, ՀՀԿ-ին` 5 մլն դրամ. ԱԺ ընտրություններին 3 և ավելի տոկոս ձայն հավաքած քաղաքական ուժերին աջակցություն տալու հարցը կառավարության նիստի օրակարգում է
Վաղը կառավարության նիստին որոշում կքննարկվի Հայաստանի Հանրապետության Ազգային ժողովի 2018 թվականի ընտրություններում 3 և ավելի տոկոս ձայն հավաքած կուսակցություններին և կուսակցությունների դաշինքներին աջակցություն ցույց տալու մասին որոշման նախագիծը:
Կուսակցություններին և կուսակցությունների դաշինքներին ՀՀ 2019թ. պետական բյուջեից տրվող աջակցությունը կազմում է 103,725.6, դրամ:
Մասնավորապես՝ «Հայաստանի Հանրապետական» կուսակցությանը կտրամադրվի 5,208.5, «Բարգավաճ Հայաստան» կուսակցությանը` 5,208.5 դրամ, «Իմ քայլը» դաշինքին 78,006.3 դրամ, «Հայ Յեղափոխական դաշնակցություն» կուսակցությանը` 4,303.4, «Լուսավոր Հայաստան» կուսակցությանը` 7,056.7:
Նախագծի ընդունումը պայմանավորված է 2018 թվականի դեկտեմբերի 9-ին կայացած Ազգային ժողովի ընտրությունների արդյունքում 3 և ավելի տոկոս ձայն հավաքած կուսակցություններին և կուսակցությունների դաշինքներին աջակցություն ցույց տալու նպատակով ՀՀ 2019 թվականի պետական բյուջեի «1033 Աջակցություն քաղաքական կուսակցություններին, հասարակական կազմակերպություններին և արհմիություններին» ծրագրի «12002 Աջակցություն կուսակցություններին և կուսակցությունների դաշինքներին» միջոցառմամբ Վարչապետի աշխատակազմին հատկացված միջոցների ըստ Ազգային ժողովի ընտրությունների ժամանակ քվեարկությանը մասնակցած բոլոր կուսակցությունների, կուսակցությունների դաշինքների ընտրական ցուցակների օգտին կողմ տրված ձայների ընդհանուր թվի և անճշտությունների թվի գումարի 3 տոկոսի շեմը հաղթահարած կուսակցությունների, կուսակցությունների դաշինքների բաշխման ապահովմամբ:
Հիշեցնենք, որ ընտրությունների օրը ներկայացվել էին Կենտրոնական ընտրական հանձնաժողովի նախընտրական հիմնադրամներ ներկայացված հայտարարագրերը: