Բաբկեն Թունյանն արտահերթ խորհրդարանական ընտրության նախադրյալներ չի տեսնում
«Իմ քայլը» խմբակցության պատգամավոր Բաբկեն Թունյանը ՀՀ-ում նոր արտահերթ խորհրդարանական ընտրությունների նախադրյալներ չի տեսնում: Նա ԱԺ-ում լրագրողների հետ զրույցում՝անդրադառնալով «Սասնա ծռեր» կուսակցության նախագահ Ժիրայր Սեֆիլյանի այն հայտարարությանը, թե ֆորսմաժորներ լինելու դեպքում հաջորդ տարի կլինեն արտաերթ խորհրդարանական ընտրություններ։
«Իհարկե համաձայն չեմ»,- կարճ պատասխանեց Թունյանը:
Դիտարկմանը, որ տեսակետ կա, թե հատուկ ծառայություններն ազդեցություն ունեն խորհրդարանի վրա և բարդ չի լինի Նիկոլ Փաշինյանին պաշտոնանկ անելը, Թունյանը պատասխանեց․«Այդ հարցը պետք է Ժիրայր Սեֆիլյանին տալ, որովհետև ես տեղյակ չեմ՝ նա ինչ նկատի ունի։ Իհարկե, համաձայն չեմ»։
Ինչ վերաբերում է հարցին, թե նման հայտարարություններից հետո ինչպես է գնահատում Սասնա ծռերի և վարչապետի հանդիպումը, Թունյանը նշեց, որ իր տեղեկություններով՝ հանդիպան նախաձեռնությունը եղել է « Սասնա ծռեր»-ինը։
«Վարչապետն էլ հանդիպել է։ Ամեն դեպքում ՀՀ գործող քաղաքական ուժ է, որևէ խնդիր այստեղ չեմ տեսնում»,- եզրափակեց Բաբկեն Թունյանը։