Ջորջ Քլունին զարմացրել է Ֆինլանդիային իր մորուքով
Հայտնի հոլիվուդյան դերասան Ջորջ Քլունին Nordic Business Forum բիզնես համաժողովի ժամանակ, որի գլխավոր հյուրերից մեկն էր, միջոցառման մասնակիցներին զարմացրել է իր մորուքով:
Ինչպես փոխանցում է РИА Новости-ն, բացելով իր ելույթը՝ Քլունին մեկնաբանել է իր նոր կերպարը: «Ես նման եմ Մովսես մարգարեին: Կինս ատում է այն (մորուքը)»,- նշել է Քլունին՝ հավելելով, որ հիանում է իր կնոջով, ընտանիքով և ծնողներով, ինչով էլ ծափահարությունների է արժանացել լսարանի կողմից:
Ֆիննական սուրճ արտադրող ընկերության ներկայացուցիչն իր հերթին Հելսինկիում ապրանքանիշի դեմքը հանդիսացող Քլունիի մասնակցությամբ գովազդի պաստառներ է տեղադրել: Սա Քլունիի առաջին այցն է Ֆինլանդիա: