«Հրապարակ». «Խորամանկ» ճանապարհով պահպանվում է ՏԻՄ-երի նկատմամբ վարչական վերահսկողություն իրականացնելու մարզպետների լիազորությունը
««Իմ քայլը» մի բան ասում է, այլ բան՝ անում: Տևական ժամանակ խոսվում է մարզպետների լիազորությունները կրճատելու, անգամ մարզպետարանները լուծարելու մասին, սակայն, հակառակ դրան, իշխանությունն այժմ փորձում է օրենքով ընդլայնել մարզպետների լիազորությունները:
Մարզպետարաններ-համայնքներ փոխհարաբերություններում ամենամեծ խնդիրը մարզպետարանների կողմից ՏԻՄ-երի նկատմամբ վարչական վերահսկողության հարցն է, որի իրականացումը մարզպետների կողմից հակասահմանադրական է: Իշխանությունն այս հակասահմանադրականությունն իբր շտկելու նպատակով խորհրդարան է ներկայացրել «Տարածքային կառավարման մասին» օրենքում փոփոխությունների նախագիծ, որտեղ առաջին ընթերցման ներկայացված փաստաթղթում վարչական վերահսկողության մասով «մարզպետների միջոցով» բառերն արդարացիորեն հանվել էին, սակայն 2-րդ ընթերցման նախագծում այն վերականգնվել է:
Արդյունքում, «խորամանկ» ճանապարհով պահպանվում է ՏԻՄ-երի նկատմամբ վարչական վերահսկողություն իրականացնելու մարզպետների լիազորությունը, ինչը հակասում է ՀՀ Սահմանադրությանը: Ըստ օրինագծի՝ մարզպետների՝ ՏԻՄ-երի նկատմամբ վերահսկողության հարցը թողնվել է նախարարության ընտրությանը, նախարարությունը կամ կարող է մարզպետներին լիազորել, կամ իր առանձին օղակով վերահսկել»,-գրում է թերթը:
Նյութն ամբողջությամբ կարդացեք թերթի այսօրվա համարում: