Չինաստանում կորոնավիրուսի համաճարակով հիվանդացած մարդկանց թիվը հասել է 571-ի. նրանցից 95-ը գտնվում են ծանր վիճակում
Չինաստանում բռնկված 2019-nCoV կորոնավիրուսի համաճարակով վարակված մարդկանց թիվը շարունակում է մեծանալ: Այժմ հաղորդվում է 571 մարդու վարակի մասին, որոնցից 95-ը գտնվում է ծանր վիճակում: Այս մասին հաղորդում է РИА Новости-ն` հղում անելով տեղի լրատվամիջոցներին:
Նշվում է, որ հունվարի 22-ին արձանագրվել է հիվանդության նոր վարակման 131 դեպք: Բոլոր մահացածները, որոնց թիվը 17-ն է, 65 տարեկան և ավելի էին: Վարակման դեպքեր են արձանագրվել Հոնկոնգում, Մակաոյում և Թայվանում: Բժիշկները հետևում են ևս 4928 մարդու, որոնք շփում են ունեցել հիվանդների հետ:
Ավելի վաղ հայտնի էր դարձել Հարավային Կորեայում, Ճապոնիայում, ԱՄՆ-ում և Թաիլանդում վիրուսով հիվանդանալու դեպքերի մասին:
Հիվանդության մասին առաջին տեղեկությունները ստացվել են 2019-ի դեկտեմբերին: Նոր վիրուսն սկսել է տարածվել Չինաստանի Հեբեյ նահանգի Ուհան քաղաքում, որն այս պահին ժամանակավոր մեկուսացված է: Ավելի վաղ հաստատվել է, որ հիվանդությունը փոխանցվում է մարդուց մարդուն: