Ադրբեջանում կորոնավիրուսի պատճառով արգելվել է խանութներում չափափորձման սենյակներից օգտվել. РИА Новости
Ադրբեջանում նոր տեսակի կորոնավիրուսի համավարակի պատճառով արգելել են հագուստի խանութներում օգտվել չափափորձման սենյակներից: Այս մասին հայտնում է РИА Новости-ն՝ հղում տալով երկրի գլխավոր պետական սանիտարական բժշկի կողմից հաստատված ցուցումներին:
«Համավարակի ժամանակ Ադրբեջանի այն խանութներում, որտեղ իրականացվում է հագուստի վաճառք, արգելվում է օգտվել չափափորձման սենյակներից: Ինչպես նաև այս ընթացքում կոսմետիկ միջոցների վաճառքով զբաղվող խանութներում արգվում է փորձել դրանց նմուշները»,- նշվում է ցուցումներում:
Ինչ վերաբերում է ոսկու, այլ զարդերի վաճառքի և գրավատների գործունեությանը, ապա հաճախորդների ձեռքերը պետք է ախտահանվեն թանկարժեք և այլ զարդերին դիպչելուց առաջ և հետո:
Հաղորդվում է, որ «այդ կանոնը վերաբերում է նաև այն վայրերին, որտեղ զբաղվում են բջջային սարքերի, պահեստամասերի և այլ աքսեսուարների վաճառքով կամ վերանորոգմամբ»: