idplus. երբ պլյուսում են բոլորը
Հայաստանում մեկնարկում է հաճախորդների լոյալության ծրագիր, որը հավասարապես ձեռնտու է թե՛ հաճախորդների, թե՛ վաճառակետերի համար և պարզ է օգտագործման մեջ։ Խոսքն idplus հարթակի մասին է, որը ներկայացված է բջջային հավելվածով և աշխատում է թե՛ iOS, թե՛ Android օպերացիոն համակարգերի վրա։
Եվ այսպես, idplus-ը լիովին նոր, թվային, միասնական և ժամանակակից լոյալության հարթակ է, որում հաճախորդը հնարավորություն կունենա՝
- Ստանալ բոնուսներ և քեշբեքեր բազմաթիվ գործընկերների մոտ Idram&IDBank հավելվածով QR/NFC-ով գնումներ կատարելիս,
- Աճուրդի միջոցով վաճառել իր կուտակած բոնուսային միավորները՝ դրանք վերածելով գումարի, և իհարկե գնել բոնուսներ զեղչերով այլ օգտատերերից։
- Մեկ հպումով, ցանկացած վայրից և ցանկացած ժամի նվիրել կամ ստանալ թվային նվեր-քարտեր՝ առանց խանութ այցելելու։
- Օգտագործել նվեր-քարտերը կամ կուտակված բոնուսները գործընկերների մոտ գնումներ կատարելիս։
- Վաճառակետում վճարելիս օգտագործել կոմբո-վճարման հնարավորությունը՝ նվեր-քարտ, բոնուս, Idram-ով վճարում՝ idplus հավելվածում ճկուն ընտրելով տարբերակների համադրությունը։
- Տեսնել տարբեր վաճառակետերում իր կողմից կուտակված բոնուսային միավորներն (հարթակի գործընկերների թվային բոնուսային քարտերի տեսքով) ու գործարքների ողջ պատմությունը։
Ընկերությունում ակնկալում են, որ հարթակը շատ արագ լայն կիրառություն կստանա թե բիզնեսի, թե հաճախորդների կողմից՝ հաշվի առնելով Իդրամի հետ ռազմավարական գործընկերությունը․ լոյալության համակարգը տեխնիկապես հնարավոր է ներդնել այն գործընկերների մոտ, որտեղ արդեն իսկ գործում են Իդրամով QR վճարումները, իսկ այդպիսի հնարվորություն ունեցող վաճառակետերի ընդհանուր թիվն այսօր մոտենում է 12,000-ին։ Այս պահին idplus հարթակին միացել է 350-ից ավելի վաճառակետ, որոնց թիվը շարունակաբար աճելու է, քանի որ հարթակը մի շարք առավելություններ ունի նաև վաճառակետերի համար․
- Լոյալության համակարգերի լիակատար թվայնացում,
- Բոնուսների և քեշբեքերի հաշվարկման և տրամադրման սեփական մեխանիզմի մշակման հնարավորություն,
- Թվային նվեր-քարտերի վաճառք, քեշբեք՝ նվեր-քարտի գնորդին,
- Իրենց հաճախորդներին հատուկ (ակցիայի օր, ժամ, ապրանքատեսակ և այլն) պայմաններով ամենատարբեր ակցիաներ առաջարկելու հնարավորություն,
- Լոյալության ծրագրերի կամ ակցիաների արդյունավետության չափելիություն՝ հարթակում պատրաստի հաշվետվությունների միջոցով։
idplus-ի բիզնեսի զարգացման տնօրեն Արևիկ Անանյանի խոսքով՝ հարթակը հարմար է թե՛ վաճառակետերին, թե՛ դրանց հաճախորդներին հենց իր պարզության շնորհիվ։ «Երբ հաճախորդը վճարում է կատարում Իդրամով, կամ idplus հավելվածով կարդալով Իդրամ QR-ը, նա առանց որևէ հավելյալ գործողության օգտվում է տվյալ վաճառակետի կողմից հայտարարված ակցիայից կամ լոյալության մշտական համակարգից։ Խանութներում Ձեզ հաճախ են չէ՞ հարցրել՝ բոնուս քարտ ունե՞ք․ idplus-ի դեպքում նման հարցադրումների կարիք չկա, քանի որ եթե հաճախորդը Idram&IDBank կամ idplus հավելվածով ընդամենը կարդում է Իդրամ QR-ը և կատարում վճարում, նրա բոնուսային միավորները ավտոմատ կերպով հայտնվում են idplus-ի տվյալ խանութի իր թվային բոնուսային քարտի վրա։ Ընդ որում՝ հավելվածում հստակ երևում են հարթակի գործընկերները և իրենց կողմից առաջարկվող ակցիաները», - ասում է Արևիկ Անանյանը։
Այսպիսով idplus լոյալության հարթակի վերոնշյալ հնարավորությունները և առավելությունները ստեղծում են լոյալության լիովին նոր մշակույթ թե՛ վաճառակետերի, թե՛ հաճախորդների համար։
Բոնուսներ, քեշբեքներ, նվեր քարտեր տրամադրող գործընկերների ցանկին կարելի է ծանոթանալ idplus հավելվածի «Առաջարկներ» բաժնում։