Ճանապարհորդությունը շարունակվում է. Մխիթարյանի արձագանքը՝ ՉԼ եզրափակիչ դուրս գալուն
«Ինտերի» հայ կիսապաշտպան Հենրիխ Մխիթարյանը գրառում է կատարել Չեմպիոնների լիգայի կիսաեզրափակիչի պատասխան խաղում իր թիմի՝ «Միլանին» 1։0 հաշվով հաղթելուց հետո:
«Ճանապարհորդությունը շարունակվում է: Կհանդիպենք եզրափակչում»,- գրել է Մխիթարյանը։
Հիշեցնենք՝ հանդիպման 42-րդ րոպեին Մխիթարյանը վնասվածք է ստացել և լքել խաղադաշտը:
Եզրափակիչում միլանյան թիմը կմրցի «Մանչեսթեր Սիթի»-«Ռեալ» զույգի հաղթողի հետ։ Այս թիմերի միջև առաջին խաղն ավարտվել է 1։1 հաշվով։ Պատասխան խաղը կկայնանա այսօր՝ մայիսի 17-ին, սկիզբը՝ Երևանի ժամանակով 23։00-ին։
«Ինտերը» վերջին անգամ Չեմպիոնների լիգայի եզրափակիչում խաղացել է 2009-10 թթ․ մրցաշրջանում, երբ պորտուգալացի մարզիչ Ժոզե Մոուրինյուի գլխավորությամբ «Սանտիագո Բեռնաբեուում» կայացած խաղում արգենտինացի հարձակվող Դիեգո Միլիտոյի դուբլի շնորհիվ 2։0 հաշվով հաղթել է Մյունխենի «Բավարիային»։
The post Ճանապարհորդությունը շարունակվում է. Մխիթարյանի արձագանքը՝ ՉԼ եզրափակիչ դուրս գալուն appeared first on ԳԱԼԱ.