Վիգեն Խաչատրյանը ներդրում ունի ՀՀ պետականության կայացման գործում. Նիկոլ Փաշինյան (տեսանյութ)
Հարգելի գործընկերներ, երեկ երեկոյան հանկարծամահ է եղել Ազգային ժողովի պատգամավոր Վիգեն Խաչատրյանը, ով ներդրում ունի ՀՀ պետականության կայացման գործում, այսօր Կառավարության նիստի ժամանակ ասաց վարչապետ Նիկոլ Փաշինյանը:
«Նա եղել է ԱԺ Գերագույն խորհրդի պատգամավոր, առաջին գումարման պատգամավոր, Լոռու մարզպետ, ԱԺ պետական իրավական հարցերի հանձնաժողովի նախագահ, Երևանի քաղաքապետի տեղակալ:
Ակտիվ հասարակական գործունեություն է ծավալել ամբողջ կյանքի ընթացքում, նաև Խորհրդային միության ժամանակ պատասխանատու պետական պաշտոններ է զբաղեցրել և ԱԺ ընթացիկ գումարման պատգամավոր էր»,- ասաց Փաշինյանը:
Կառավարության անդամները մեկ րոպե լռությամբ հարգեցին պատգամավոր Վիգեն Խաչատրյանի հիշատակը: