Ժանդարմները զրահամեքենաներ կօգտագործեն անկարգությունների դեմ․ Ֆրանսիայի վարչապետ
Ֆրանսիական ժանդարմերիան՝ քաղաքացիական բնակչության շրջանում իրավապահ պարտականություններ ունեցող զորամասը, որը տարբերվում է ոստիկանական ուժերից, կօգտագործի զրահամեքենաներ անկարգությունները ճնշելու համար։ Ուրբաթ ասել է երկրի վարչապետ Էլիզաբետ Բորնը, այս մասին գրել է France24-ը։
Ֆրանսիայի կառավարությունը ուրբաթ հայտարարել է, որ հերքում է ՄԱԿ-ի մեղադրանքները ոստիկանների շրջանում ռասիզմի վերաբերյալ:
«Ֆրանսիայի ոստիկանական ուժերում ռասիզմի կամ համակարգային խտրականության վերաբերյալ ցանկացած մեղադրանք բացարձակապես անհիմն է»,- հայտնել է Ֆրանսիայի ԱԳ նախարարությունը:
«Լրացուցիչ շարժական ուժեր կտեղակայվեն Ֆրանսիայի ժանդարմերիայի պատկանող մեքենաների հետ միասին»,- ասէլ : Բորնը՝ հայտարարելով նաև «լայնածավալ միջոցառումների չեղարկման մասին, որոնք պարտավորեցնում են անձնակազմին և կարող են վտանգ ներկայացնել հասարակական կարգի համար»:
Ֆրանսիայում զանգվածային անկարգությունները սկսել են այն բանից հետո, երբ Փարիզի Նանտեր արվարձանում ոստիկանը կրակել ու սպանել է Mercedes մեքենա վարող 17-ամյա դեռահասին, որը հրաժարվել է ենթարկվել իրավապահների պահանջներին։ Դատարանը կրակողին կալանավորելու որոշում է կայացրել։
Հունիսի 30-ի գիշերը բերման է ենթարկվել ավելի քան 660 քաղաքացի։ Բերման ենթարկվածների առնվազն մեկ երրորդը երիտասարդներ և անչափահասներ են։