ՆԱՏՕ-ում միասնություն չկա Ուկրաինային ընդունելու հարցում․ Բայդեն
ԱՄՆ նախագահ Ջո Բայդենը CNN-ին տված հարցազրույցում ասել է, որ ՆԱՏՕ-ի երկրների միջև միասնություն չի տեսնում` հենց հիմա դաշինքին Ուկրաինայի հնարավոր անդամակցության հարցում։
«Չեմ կարծում, որ ՆԱՏՕ-ում միաձայն դիրքորոշում կա այն հարցում, թե արդյոք Ուկրաինային հրավիրել ՆԱՏՕ-ի ընտանիք հիմա, այս պահին»,- ասել է Բայդենը։
ԱՄՆ նախագահի խոսքով՝ ինքն այդ հարցի շուրջ հանգամանալից զրույց է ունեցել Վլադիմիր Զելենսկու հետ և հասկացրել է, որ Միացյալ Նահանգները կշարունակի ապահովել Ուկրաինայի անվտանգությունը և զենք մատակարարել։
«Սակայն ես կարծում եմ, որ վաղաժամ է խոսել և քվեարկության կոչ անել, քանի որ կան մի շարք այլ պահանջներ, որոնք պետք է կատարվեն», - հավելել է Բայդենը։
Նա նաև հասկացրել է, որ լավատեսորեն է տրամադրված մոտ ապագայում Շվեդիայի՝ ՆԱՏՕ-ին անդամակցելու հեռանկարներին՝ Վիլնյուսում դաշինքի առաջիկա գագաթնաժողովի լույսի ներքո։