Աղդամից ԼՂ մթերք մատակարարելու հարց Միշելի հետ չեմ քննարկել, թեև տեղյակ եմ եղել դրանից․ Փաշինյան (տեսանյութ)
Ոչ ես Աղդամի ճանապարհի հարց չեմ քննարկել Բրյուսելում եռակողմ հանդիպման ժամանակ, որովհետև կարծում եմ, որ ընդհանրապես նման հարց քննարկելու, որևէ մանդատ չունեմ:
Մամուլի ասուլիսի ժամանակ ասել է Նիկոլ Փաշինյանը՝ պատասխանելով լրատվամիջոցների հարցերին:
«Լաչինի միջանցքի հետ կապված հարց քննարկելու մանդատ ունեմ, որովհետև Լաչինի միջանցքը ստեղծվել է եռակողմ հայտարարությամբ՝ 2020 թ. Նոյեմբերի 9-ին, որի ստորագրողներից մեկը ես եմ, հետևաբար այդ հարթակներում քննարկում ենք միայն Լաչինի միջանցքի ապօրինի արգելափակման և Լաչինի միջանցքի բացման հետ կապված հարցերը, այլ հարցեր ես չեմ քննարկում»,- ասել է նա:
Լրագրողի այն հարցին, թե արդյոք իր համար անակնկալ էր Շառլ Միշելի հայտարարությունը և արդյոք հանդիպման ժամանակ քննարկվել է Աղդամով Արցախին օգնություն տանելու հարցը, Փաշինյանը պատասխանել է.
«Ինձ համար անակնկալ չէ Միշելի հայտարարությունը, ես նման բան չեմ քննարկել, ես նման հարց քննարկելու ոչ անհրաժեշտություն, ոչ մանդատ ունեմ»,- ասել է վարչապետը: