Ադրբեջանի կողմից հումանիտար հասանելիության արգելքն էլ ավելի է խորացրել արցախցիների զրկանքներն ու տառապանքները․ Գեղամ Ստեփանյան
2023 թվականի հունիսի 15-ից ի վեր Ադրբեջանի կողմից հումանիտար հասանելիության արգելքն էլ ավելի է խորացրել արցախցիների զրկանքներն ու տառապանքները 7-ամսյա շրջափակման մեջ։ Այս մասին իր ֆեյսբուքյան էջում անգլալեզու գրառում է կատարել Արցախի մարդու իրավունքների պաշտպան Գեղամ Ստեփանյանը։
«Ամենաէական սննդամթերքի և կենսական կարևոր ապրանքների բացարձակ բացակայությունը կտրուկ նվազեցնում է մարդկանց կյանքի որակը, ինչը հանգեցնում է թերսնման, սովի, իմունիտետի նվազման ու հյուծվածության»,- գրել է Ստեփանյանը: