Էդգար Սևիկյանը ծննդյան տարեդարձի օրը գեղեցիկ գոլ է խփել «Սպարտակին»
Ռուսաստանի գավաթի խաղարկության խմբային փուլի երկրորդ տուրում «Նիժնի Նովգորոդը» հյուրընկալվելիս 4-5 հաշվով պարտվել է Մոսկվայի «Սպարտակին»։
46-րդ րոպեին «Նիժնի Նովգորոդի» երկրորդ գոլը խփել է իսպանական «Լևանտեի» ու Ռուսաստանի երիտասարդական հավաքականի նախկին կիսապաշտպան Էդգար Սևիկյանը, որն օգոստոսի 8-ին նշում էր ծննդյան 22-րդ տարեդարձը։ Հայ ֆուտբոլիստը մեկնարկային կազմում խաղացել է 79 րոպե։
«Նիժնի Նովգորոդի» կազմում ընդմիջմանը փոխարինման է մտել Չարենցավանի «Վանի» նախկին կիսապաշտպան Էդեդեմ Էսիենը, որը նորամուտն է նշել ռուսական ակումբում։
Հիշեցնենք, որ Էդգար Սևիկյանը գոլի հեղինակ էր դարձել նաև Ռուսաստանի գավաթի խաղարկության առաջին տուրում՝ գրավելով Մոսկվայի «Դինամոյի» դարպասը։
The post Էդգար Սևիկյանը ծննդյան տարեդարձի օրը գեղեցիկ գոլ է խփել «Սպարտակին» appeared first on ԳԱԼԱ.