Կապան քաղաքի օրվան նվիրված տոնական միջոցառումներ են անցկացվել
Կապանի օրը հագեցած էր մարզական միջոցառումներով, տարաբնույթ ժամանցային համարներով։
Գարեգին Նժդեհի հրապարակի հարակից տարածքում կազմակերպվել էր ցուցահանդես-վաճառք։ Շնորհաշատ կապանցիները հնարավորություն ունեցան իրենց արտադրանքը ներկայացնել հանրությանը։
Դասական երաժշտության սիրահարները Վահագն Ստամբոլցյանի անվան երգեհոնային դահլիճում ունկնդրեցին Հայաստանի կամերային նվագախմբի ելույթները։
Թումանյան փողոցում հանդիսավորությամբ տեղի ունեցավ «Սյունիք» հարթաքանդակի բացման արարողությունը։ Մարզի 5 քաղաքային եւ 2 գյուղական համայնքներն ամբողջացնող հարթաքանդակի հեղինակը Անդրեաս Օհանջանյանն է, իսկ քանդակագործը՝ Գագիկ Ալեքսանյանը։
Կապան քաղաքի օրվան նվիրված տոնական միջոցառումների շրջանակում Չարենցի փողոցում նաեւ լուսանկարների ցուցադրություն է տեղի ունեցել։
The post Կապան քաղաքի օրվան նվիրված տոնական միջոցառումներ են անցկացվել appeared first on ԳԱԼԱ.