Պրիգոժինն իր ինքնաթիռի կործանման նախօրեին այցելել է Աֆրիկա՝ կանխելու «Վագների» նկատմամբ ՌԴ ՊՆ-ի հնարավոր վերահսկողությունը. լրատվամիջոցներ
«Վագներ» մասնավոր ռազմական կազմակերպության հիմնադիր Եվգենի Պրիգոժինը մահվան նախօրեին այցելել է Աֆրիկա, որպեսզի փրկի իր «կայսրությունը» Ռուսաստանի պաշտպանության նախարարության հետախուզության գլխավոր վարչությունից։ Գրել է Financial Times-ը։
Ըստ թերթի՝ Պրիգոժինի նպատակը կարող էր լինել նրա ցանկությունը՝ կանխել ՌԴ ՊՆ-ի կողմից «Վագների» գործունեությունը վերահսկողության տակ առնելը:
Պրիգոժինի այցի նախօրեին Լիբիա էր գործուղվել Ռուսաստանից պատվիրակություն, որի կազմում է եղել պաշտպանության փոխնախարար Յունուս-Բեկ Եվկուրովը։ Նա և մյուսները հանդիպել են Լիբիայի ազգային բանակի ռուսամետ առաջնորդ Խալիֆա Հաֆթարի հետ, որը վերահսկում է երկրի արևելքը, և որի կողմից կռվում են վագներականները 2019 թվականից:
Ավելի վաղ The Wall Street Journal-ը գրել էր, որ Պրիգոժինը թռչել է Աֆրիկա և հանդիպել Կենտրոնաաֆրիկյան Հանրապետություն նախագահ Ֆաուստին-Արշանժ Տուադերային։ Նա փորձել է հանգստացնել նրան, որ Ռուսաստանում ձախողված ապստամբությունը չի խանգարի իրեն երկրում ներգրավել նոր մարտիկներ ու ներդրումներ ԿԱՀ-ի գործընկերների համար:
Օգոստոսի 23-ին Տվերի մարզում կործանվել է «Վագների» ղեկավար Եվ գենի Պրիգոժինին տեղափոխող ինքնաթիռը։ Ռոսավիացիայի տվյալներով՝ կործանված ինքնաթիռում եղել են Պրիգոժինը, ռազմական կազմակերպության հրամանատար Դմիտրի Ուտկինը։ Ընդհանուր առմամբ, տասը մարդ է զոհվել, եթե ցուցակը ճիշտ է։
Որոշ տեղեկությունների համաձայն՝ «Վագների» մարտիկները Պրիգոժինի և Ուտկինի մարմիններն արդեն իսկ ճանաչել են։