Շվեդիայի վարչապետն ասել է, որ Նոբելյան մրցանակի հանձնման արարողությանը չէր հրավիրի Ռուսաստանին, եթե ինքը պատասխանատու լիներ միջոցառման կազմակերպման համար
Շվեդիայի վարչապետ Ուլֆ Քրիսթերսոնն ասել է, որ Նոբելյան մրցանակի հանձնման արարողությանը չէր հրավիրի Ռուսաստանին, եթե ինքը պատասխանատու լիներ միջոցառման կազմակերպման համար։ Գրել է РИА Новости-ն։
Շվեդիայի վարչապետն այս մասին հայտարարել է Նոբելյան հիմնադրամի որոշումից հետո՝ հրավիրել Ռուսաստանի Դաշնության, Բելառուսի և Իրանի դեսպաններին 2023 թվականին Նոբելյան մրցանակի հանձնման արարողությանը։
Բացի այդ, Շվեդիայում մի քանի կուսակցական առաջնորդներ արդեն հրաժարվել են մասնակցել արարողությանը։
Հինգշաբթի օրը շվեդական Aftonbladet թերթը հայտնել էր, որ Նոբելյան հիմնադրամը «որոշել է փոխել իր պրակտիկան»՝ 2023 թվականին Նոբելյան մրցանակի հանձնման արարողությանը հրավիրելով Ռուսաստանի, Բելառուսի և Իրանի դեսպաններին։
Դա, ինչպես նշում է հրատարակությունը, սուր քննադատության է առաջացրել։
Հինգշաբթի օրը Նոբելյան հիմնադրամն ինքն էր պաշտպանել իր որոշումը՝ պնդելով, որ Նոբելյան հիմնադրամը ներկայացնում է բևեռացման, ազգայնականության և պոպուլիզմի հակառակը։