Ջեյհուն Բայրամովը հանդիպել է Հունգարիայի ԱԳԱ նախարարի հետ․ նաև քննարկել են հայ-ադրբեջանական հարաբերությունները
Սեպտեմբերի 4-ին Հունգարիա կատարած պաշտոնական այցի շրջանակներում Ադրբեջանի արտաքին գործերի նախարար Ջեյհուն Բայրամովը հանդիպել է այս երկրի արտաքին գործերի և առևտրի նախարար Պետեր Սիյարտոյի հետ։
Ջեյհուն Բայրամովի և նախարար Պյոտր Սիժարտոյի հանդիպումը շարունակվել է ընդլայնված կազմով՝ երկու կողմերի պատվիրակությունների մասնակցությամբ, կայացել է ադրբեջանա-հունգարական ռազմավարական երկխոսության առաջին հանդիպումը։
Բայրամովը, ի թիվս այնլի, մյուս կողմին մանրամասն տեղեկացրել է «հետհակամարտային շրջանում տարածաշրջանային ներկա իրավիճակի և իրողությունների, Ադրբեջանի և Հայաստանի միջև հարաբերությունների կարգավորման, խաղաղության պայմանագրի ստորագրման, տարածաշրջանում տրանսպորտի և հաղորդակցության բացման մասին, ինչպես նաև սահմանների սահմանազատմանն ուղղված ջանքերի մասին» (չակերտները - Tert.am)։
Հանդիպման ընթացքում մտքերի փոխանակություն է տեղի ունեցել Լեռնային Ղարաբաղի տարածքներում «Ադրբեջանի կողմից իրականացվող լայնածավալ վերակառուցման վերաբերյալ» (չակերտները - Tert.am)։
Այնուհետեւ երկու նախարարները ստորագրել են ադրբեջանա-հունգարական ռազմավարական երկխոսության առաջին հանդիպման արձանագրությունը։