Բա գնայի՛ր, «շփցնեիր» ասելիքդ Տիգրան Ավինյանին, բայց դուք աչքերի մեջ նայել չգիտեք, որովհետև բարոյական փախստականնե՛ր եք. Նիկոլ Փաշինյանը՝ բանավեճին չմասնակցողներին
Երեկ տեղի ունեցավ Երևանի ավագանու ընտրություններում քաղաքապետի թեկնածուների բանավեճը։ Տիգրան Ավինյանը ներկայացավ որպես գործուն, իրավիճակին տիրապետող, որպես իսկական քաղաքապետ, որը նոր արագություն է տվել Երևանի 2018թ․ նախընտրական ծրագրի իրականացմանը։ Այս մասին հանրահավաքի ժամանակ հայտարարեց ՀՀ վարչապետ Նիկոլ Փաշինյանը:
«Մենք ուզում ենք, որ երևանցին, ինչպես մասնակցել է Երևանի հիմնադրմանն, այնպես էլ մասնակցի Երևանի նոր ծաղկունքին, նոր վերելքին։ Դրա համար ենք ասում՝ ասեք, կանենք։ Երևանում ասողը երևանցին է, միայն ու միայն նա է ասողը»,- ասաց Փաշինյանը:
Վարչապետն իր տարակուսանքը հայտնեց այն թեկնածուների նկատմամբ, որոնք արհամարհել են բանավեճի հրավերը՝ նշելով, որ բանավեճին մասնակցելը հարգանք է նախևառաջ ընտրողի նկատմամբ:
«Գիտեք բեմում միայնակ կանգնել վարչապետի ձայնը նմանակելով խոսել, դա վատ չէ ժողովուրդ, սա հեղափոխության արժեք, ազատություն է: Հարցեր եք բարձրացնում, մեղադրանքներ հնչեցնում։ Գնայի՛ք, նայեիք ՔՊ ներկայացուցչի աչքերի մեջ և շփացնեիք ձեր ասելիքը։ Բայց դուք աչքերի մեջ նայել չգիտեք, որովհետև չեք կարող, որովհետև բարոյական փախստականները չեն կարողանում նայել ուրիշների աչքերի մեջ։ Վախենում եք՝ կարող է պարզվել՝ ոչ թե ձեր, այլ ուրիշի ձայնով եք խոսում և ուրիշի գրած սցենարով եք խաղում»,-հայտարարեց նա:
Նա նաև ասաց, թե մեկ ուրիշ բանավեճի չգնացող երևանցիներին կոչ է անում` թե բա ձեր քվեներով կրակեք։
«Բա գնայիր բանավեճի քո խոսքով կրակեիր։ Բայց դու փախնում ես քաղաքական դուելից, ա'յ վախկոտ դասալիք»,-նշեց նա: