ՄԱԿ-ի Մարդու իրավունքների գերագույն հանձնակատարի գրասենյակն Իսրայելին մեղադրել է ռազմական հանցագործությունների համար
ՄԱԿ-ի Մարդու իրավունքների գերագույն հանձնակատարի գրասենյակի խոսնակ Ռավինա Շամդասանին Գազայի հատվածի շրջափակումը ռազմական հանցագործություն է անվանել, g8wum 1 ։
Իսրայելը հոկտեմբերի 9-ից դադարեցրել է Գազա սննդի և էներգիայի մատակարարումները՝ ի պատասխան պաղեստինյան արմատական ՀԱՄԱՍ շարժման հարձակման։
«Գազայի բնակչության հավաքական պատիժը, հիմնական ապրանքներից, էլեկտրաէներգիայից ու ջրից զրկելը, ինչպես նաև խիտ բնակեցված տարածքների ռմբակոծումը միջազգային մարդասիրական իրավունքի համաձայն ռազմական հանցագործություններ են», - ասել է Շամդասանին ճեպազրույցի ժամանակ:
Հոկտեմբերի 7-ի առավոտյան ՀԱՄԱՍ խմբավորումը աննախադեպ հրթիռային հարձակման է ենթարկել Իսրայելին, իսկ ավելի ուշ զինյալները ներխուժել են երկիր և պատանդներ վերցրել։ Ի պատասխան՝ Իսրայելը սկսել է «Երկաթե սուր» գործողությունը, Գազայի հատվածի շրջափակումը և զանգվածային գնդակոծումը:
ՄԱԿ-ը դատապարտել է ՀԱՄԱՍ-ին՝ խաղաղ բնակիչների սպանության և պատանդ վերցնելու համար, իսկ Իսրայելին՝ տարածքը շրջափակելու համար։