Մեծ հաշվով արդեն դարձել ենք Ուկրաինա, բայց չունենք Ուկրաինայի ռեսուրսը և ստրատեգիական խորքը. Վահե Հովհաննիսյան (տեսանյութ)
Մեծ հաշվով արդեն դարձել ենք Ուկրաինա, բայց չունենք Ուկրաինայի ռեսուրսը և ստրատեգիական խորքը։
«Կիզակետում Արկադի Գրիգորյանի հետ» հաղորդման ժամանակ ասել է «Այլընտրանքային նախագծեր» խմբի անդամ Վահե Հովհաննիսյանը․
«Պաշտոնական Երևանը իրավունք չունի աչքերն ու ականջները փակել, ասել ոչինչ չեմ լսում, միայն թե էսկալացիա չլինի։ Վաշինգտոնն ու Մոսկվան ուզում են տարածաշրջանոմ մեկը մյուսին ոչնչացնել։
Իսկ Հայաստանը շատ անմիտ քայլերի պատճառով հայտնվել է 2 խոշոր կենտրոնների բախման կիզակետում։ ՀՀ-ին սոլիդ իշխանություն է պետք, որը շատ զգույշ, ինչպես ականապատված դաշտից, երկիրը պիտի հանի ՌԴ-Արևմուտք բախման կիզակետից։ Հայաստանի պետական շահը պահանջում է առնվազն չմտնել Ռուսաստանի հետ սուր առճակատման մեջ»,-նշել է Հովհաննիսյանը։
Նրա կարծիքով, իշխանությունը դատարկ օրակարգերով է լցնում քննարկման տիրույթը՝ խաղաղության օրակարգ, խաղաղության խաչմերուկ, խաղաղության բյուջե, վերջում գալու ենք խաղաղության պատերազմի։
Հարցազրույցն ամբողջությամբ՝ տեսանյութում․