Ֆրանսիայի քաղաքացին նավակով հասել է ՌԴ, ապօրինաբար հատել սահմանը
ՌԴ Լենինգրադի մարզում սահմանապահները ձերբակալել են Ֆրանսիայի մի քաղաքացու, որը նավակով ապօրինաբար հասել է Ռուսաստան։ Նշվում է, որ ֆրանսիացին նավարկել է Նարվա գետով:
Ինչպես նշում է ՌԻԱ «Նովոստի»-ն, տղամարդու քայլի դրդապատճառները հայտնի չեն:
«Ճշտիչ գործողությունների արդյունքում պարզվել է, որ նշված անձը Ֆրանսիայի քաղաքացի է: Օտարերկրացին խոստովանել է, որ ապօրինի հատել է Ռուսաստանի Դաշնության պետական սահմանը՝ Նարվա գետով նավակով շրջանցելով Էստոնիայից Ռուսաստան սահմանված անցակետերը»,- հայտնել են վարչությունից։
Դեպքի առթիվ հարուցվել է քրեական գործ։ Ֆրանսիայի քաղաքացին 30 օրով կալանավորվել է։ Պետական սահմանն ապօրինի հատելու համար նրան սպառնում է վարչական պատասխանատվություն, ինչպես նաև քրեական պատասխանատվություն՝ մինչև վեց տարի ազատազրկում։