Գուցե Հայաստանը կարծում է՝ իր նոր խորհրդականները՝ Փարիզը, Վաշինգտոնը, Բրյուսելը, ավելի հետաքրքիր, ավելի լավ, ավելի արդյունավետ բան կառաջարկեն. Զախարովա
ՌԴ ԱԳՆ պաշտոնական ներկայացուցիչ Մարիա Զախարովան ճեպազրույցում հայտարարել է, որ Մոսկվան Հայաստանին և Ադրբեջանին հրավիրել է բանակցությունների Ռուսաստանի Դաշնությունում և երրորդ երկրներում։
«Մենք երկրներին հրավերներ ենք ուղարկել Մոսկվայում հանդիպումների և երրորդ երկրներում բազմակողմ բանակցությունների շրջանակում: Բաքուն միշտ հաստատել է բանակցություններ վարելու պատրաստակամությունը: Ցավոք, մենք նույնը չենք կարող ասել մեր հայ գործընկերների մասին: Գուցե նրանք կարծում են, որ իրենց նոր խորհրդականները՝ Փարիզը, Վաշինգտոնը, Բրյուսելը, կկարողանան ավելի հետաքրքիր, ավելի լավ, ավելի արդյունավետ բան առաջարկել»,- նշել է Զախարովան։