ՌԴ-ն Գարրի Կասպարովին ընդգրկել է ահաբեկիչների և ծայրահեղականների ցուցակում
«Ռոսֆինմոնիթորինգ»-ը շախմատի աշխարհի նախկին չեմպիոն Գարրի Կասպարովին (Ռուսաստանի արդարադատության նախարարության կողմից ճանաչվել է օտարերկրյա գործակալ) ներառել է ծայրահեղականների և ահաբեկիչների ցուցակում։ Այս մասին հայտնում է rbc.ru-ն:
Նրա անունը գրանցվել է վարչության կայքի ռեգիստրում։ Օրենքի համաձայն՝ ռեգիստրում ընդգրկվելուց հետո բանկերը պետք է դադարեցնեն նրա հաշիվների սպասարկումը և սառեցնեն նրա դրամական միջոցները։
Կասպարովը Ռուսաստանում չի ապրում: Նախկինում ՌԴ գլխավոր դատախազությունն անցանկալի էր հայտարարել նրա հիմնադրած մի քանի կազմակերպություններ: