Новости за 16.11.2019

ჟურნალისტი ჯაბა ხუბუა სოციალურ ქსელში წერს: “შეიძლება, თავისუფლად შეიძლება, ბიძინა იყოს მტყუანი, მაგრამ: შეუძლებელია,მართალი იყოს მიშა სააკაშვილი! შეუძლებელია, მართალი იყოს გრიშა ვაშაძე! შეუძლებელია, მართალი იყოს მეორე, პატარა ვაშაძე! შეუძლებელია, მართალი იყოს გიგი უგულავა! შეუძლებელია, მართალი იყოს გიგა ბოკერია! შეიძლება, თავისუფლად შეიძლება, იყო ბიძინას მტერი, მაგრამ რაც არ უნდა შენი მტრის მტერი იყოს, შეუძლებელია: მეგობრად და […]

ლეიბორისტული პარტიის ოფისში დასრულდა ოპოზიციური პარტიების ლიდერთა შეხვედრა, რომლის მიზანი იყო 17 ნოემბრისთვის დაგეგმილ მასშტაბურ საპროტესტო აქციასთან დაკავშირებული საკითხების შეთანხმება. შეხვედრის რამდენიმე მონაწილემ აქციის შემდეგ ჟურნალისტებთან საუბარში აღნიშნა, რომ ოპოზიციური სპექტრი ყველა მოთხოვნაში ერთიანია. როგორც „ახალი საქართველოს“ ლიდერმა, გიორგი ვაშაძემ განაცხადა, მთავარი მოთხოვნაა ვადამდელი საპარლამენტო არჩევნების ჩატარება პროპორციული წესით, მთავრობის გადადგომა და, შესაბამისად, ცვლილებები ცენტრალურ საარჩევნო კომისიაში. Читать дальше...

პარლამენტთან განახლდა ოპოზიციური პარტიების, სამოქალაქო აქტივისტებისა და მოქალაქეების საპროტესტო აქცია. მასზე იმყოფებიან საპარლამენტო და არასაპარლამენტო ოპოზიციის წარმომადგენლები. აქციის მონაწილეთა თქმით, ისინი არ დაიშლებიან, ვიდრე არ დაკმაყოფილდება მათი მთავარი მოთხოვნები. აქციის მონაწილეები ხელისუფლებას სამ ძირითად მოთხოვნას უყენებენ: შეიქმნას დროებითი ტექნიკური მთავრობა, 2020 წლის საპარლამენტო არჩევნები ჩატარდეს პროპორციული წესით და შეიცვალოს დღეს მოქმედი ცესკო-ს შემადგენლობა. 17 ნოემბრისთვის... Читать дальше...

როგორც შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილმა, განაცხადა, ხელისუფლება აკეთებს მაქსიმუმს, რათა დაუყოვნებლივ გათავისუფლდეს საოკუპაციო რეჟიმის მიერაა დაკავებული ექიმი ვაჟა გაფრინდაშვილი. ეს განცხადება ციხელაშვილმა გაფრინდაშვილის ოჯახში სტუმრობის შემდეგ გააკეთა. სახელმწიფო მინისტრი, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის პირველ მოადგილესთან, თამარ გაბუნიასთან ერთად შეხვდა ვაჟა გაფრინდაშვილის... Читать дальше...

"- თემურ, ახლა აქეთ, საზოგადოებას ექიმ ვაჟა გაფრინდაშვილის ბედი აღელვებს. ყველა ამ საკითხზე წერს და კითხვები აქვს. მანდ, ცხინვალში რას ამბობენ, რა ინფორმაცია ვრცელდება? - გოგა, ოფიციალურად არავინ არაფერს მპასუხობს. ჩემი არხებით დავადგინე, რომ კარგადაა, დანამდვილებით გეუბნები, რომ კარგადაა, სანერვიულო არაფერია. სხვა დეტალები ჯერ არ ვიცი, გავარკვევ აუცილებლად!"- ეს საუბარი ცხინვალელ სამოქალაქო აქტივისტთან და რედაქტორთან თემურ ცხურბათთან 15 ნოემბრის საღამოს შედგა. უკვე ცნობილი იყო, რომ ტრავმატოლოგ... Читать дальше...

16 ნოემბერს პრაღაში, ლეტნას პარკში მიმდინარე ანტისამთავრობო დემონსტრაციაზე ქვეყნის პრემიერ-მინისტრ, ანდრეი ბაბიშს მოუწოდეს, რომ ინტერესთა კონფლიქტის გადასაჭრელად უარი თქვას ჰოლდინგ „აგროფერტზე“ და მის საკუთრებაში არსებულ მედიასაშუალებებზე, ასევე გადააყენოს იუსტიციის მინისტრი, მარია ბენეშოვა. ანტისამთავრობო დემონსტრაციის მთავარი ორგანიზატორია ლიდერი მოძრაობისა „მილიონი მომენტი დემოკრატიისათვის“, პრაღის კარლის უნივერსიტეტის სტუდენტი, მიკულაშ მინაჟი. როგორც წინა აქციების დროს, ტრიბუნაზე გამომსვლელებს... Читать дальше...

საზოგადოებრივი მოძრაობა „ლელოს“ ლიდერი მამუკა ხაზარაძე აცხადებს, რომ ხელისუფლების ცვლილება უნდა მოხდეს არჩევნებით და არა ძალადობითა და რევოლუციით. ამის შესახებ მან ფეისბუკში თავის გვერდზე გააკეთა განცხადება. ხაზარაძის თმით, ბიძინა ივანიშვილმა და "ქართულმა ოცნებამ" კიდევ ერთხელ მოატყუეს ქართველი ხალხი. მისი სიტყვებით, ივანიშვილი „ახლა ცდილობს მიიტაცოს არა მხოლოდ ქვეყანა, არამედ ამ ქვეყნის თითოეული ადამიანი, მათი ხმა, ნება და თავისუფლება!“. „ჩვენ არ ვემხრობით ძალადობასა და რევოლუციას, მიგვაჩნია... Читать дальше...

„ევროპული საქართველოს“ ლიდერი დავით ბაქრაძე არ გამორიცხავს უმრავლესობასთან კონსულტაციებს. „როგორც კი ხელისუფლება ოდნავ მაინც ადეკვატური გახდება და დააფიქსირებს, რომ ქვეყანაში არის მათი შექმნილი კრიზისი და ამ კრიზისიდან არის გამოსავალი მოსაძებნი, რა თქმა უნდა, სრულიად არ გამოვრიცხავ, რომ მათთანაც დაიწყოს კონსულტაციები და მოლაპარაკება, მათ შორის, სწორედ ე.წ. გერმანულ მოდელთან დაკავშირებით“, - განაცხადა დავით ბაქრაძემ. ბაქრაძემ აღნიშნა, რომ ოპოზიციის უმთავრესი სამოქმედო გეგმაა საპროტესტო აქციების გაგრძელება. Читать дальше...

შაბათს ირანში ერთი ადამიანი დაიღუპა ბენზინის ფასების ზრდასთან დაკავშირებული საპროტესტო აქციების დროს. სირჯანის გუბერნატორმა განაცხადა, რომ დემონსტრანტი გაურკვეველ გარემოებებში იქნა მოკლული, დაშავებულია რამდენიმე ადამიანი. მანამდე ოფიციალური წყაროები იტყობინებოდნენ, რომ 15 ნოემბერს სირჯანში საპროტესტო აქციის მონაწილეებმა სცადეს, ცეცხლი წაეკიდათ ნავთობის საცავისთვის, მაგრამ ირანის უშიშროების ძალებმა შეაჩერეს. უშიშროების ძალებსა და დემონსტრანტებს შორის შეტაკებები მოხდა ასევე მაშადსა და აჰვაზში. 16 ნოემბერს დემონსტრაციები განახლდა... Читать дальше...

„ქართულმა მარშმა“ 16 ნოემბერს მოუწოდა თავის წევრებს და მხარდამჭერებს, შეუერთდნენ „პატრიოტთა ალიანსის“ მიერ დაგეგმილ საპროტესტო აქციას, რომელიც 17 ნოემბერს თბილისში, რესპუბლიკის მოედანზე, გაიმართება. ორგანიზაციის განცხადებაში წერია, რომ „ქართული მარში“ სრულიად მხარს უჭერს არჩევნების პროპორციულ სისტემაზე გადასვლას, ხოლო „ქართული ოცნების“ მაჟორიტარი საპარლამენტო დეპუტაციის ქმედებას განიხილავს როგორც „თაღლითობას და გაუგონარ ტყუილს“. „ვთვლით, რომ პარლამენტში წარმოდგენილი ძალებიდან მხოლოდ „პატრიოტთა ალიანსმა“ დაიკავა ეროვნულ-პატრიოტული... Читать дальше...

ოპოზიციური სპექტრი თანხმდება, რომ მას შემდეგ, რაც 14 ნოემბერს, საქართველოს პარლამენტმა ჩააგდო კანონპროექტი 2020 წლის საპარლამენტო არჩევნების პროპორციული წესით ჩატარების შესახებ, ამჯერად, სამართლიანი არჩევნების ჩატარების ერთ-ერთ გამოსავლად რჩება ე.წ. „გერმანული საარჩევნო სისტემის“ შემოღება.

რუსეთი უკრაინას დაუბრუნებს სამ სამხედრო ხომალდს, რომლებიც ქერჩის სრუტეში მომხდარი ინციდენტისას ჩაიგდო ხელში. გემების გადაცემა უნდა მოხდეს „ნორმანდიის ოთხეულის“ სამიტამდე, რომელიც 9 დეკემბრისთვის არის დაგეგმილი. ამის შესახებ რუსული გამოცემა „კომერსანტი“ იტყობინება ანონიმ წყაროებზე დაყრდნობით. 2018 წლის 25 ნოემბერს რუსეთის მესაზღვრეებმა ხელში ჩაიგდეს უკრაინის სამხედრო ხომალდები, რომლებიც ქერჩის სრუტით აზოვის ზღვაში შესვლას ცდილობდნენ. დააკავეს გემების ეკიპაჟი - უკრაინის 24 სამხედრო მოსამსახურე. ... Читать дальше...

ბიზნესმენი ლევან ვასაძე, თავის ფეისბუკმიმართვაში ბიძინა ივანიშვილის ხელისუფლების განწირულობაზე საუბრობს და ამბობს, რომ ჭეშმარიტი სახალხო რევოლუციის გარეშე ქვეყანაში არაფერი დალაგდება. „ჭეშმარიტი სახალხო რევოლუციის გარეშე ქვეყანაში ვერაფერი დალაგდება, თუ კიდე გარედან რაიმე სასჯელი არ გვეწვია ამ ჩვენი ქცევის სანაცვლოდ, მაგალითად, მორიგი ომის სახით. მოვლენათა ამგვარი განვითარება გვიჩვენებს, რა გზით წავა ჩვენი ქვეყნის საქმე. არაა გამორიცხული, რომ ამ მორიგ ყირაობაში ბიძინა ამერიკელებმა მაინც გასვან და უარესი ლიბერალები დაგვიბრუნონ... Читать дальше...

საპარლამენტო უმრავლესობის წევრი, წალკისა და დმანისის მაჟორიტარი დეპუტატი კახა ოქრიაშვილი განცხადებას ავრცელებს, რომელშიც ოპოზიციის წევრებს ფსევდოპოლიტიკოსებს უწოდებს და აღნიშნავს, რომ ისინი გარკვეული გასამრჯელოს სანაცვლოდ მოქმედებენ. ოქრიაშვილის შეფასებით, ეს ადამიანები დაკვეთებს ასრულებენ. „საზოგადოებისთვის ცნობილია, რომ 2006 წლიდან დღემდე, უცვლელად ვუჭერ მხარს მაჟორიტარულ საარჩევნო სისტემას. ამის შესახებ გაცხადებული მაქვს არაერთი საჯარო ტრიბუნიდან, სადეპუტატო გამოსვლების დროს, მასმედიის ფაქტობრივად ყველა წარმომადგენელთან და რაც მთავარია... Читать дальше...

დეპუტატი ეკა ბესელია აცხადებს, რომ „ფეისბუქის“ მეგობრებიდან შლის მათ, „ვისაც არ უნდა გაიგოს, რომ ხალხთან ვდგავარ როგორც ყოველთვის და არა ნაცებთან!“ „გადავხედე ფბ კომენტარებს, არ და ვერ ვარ აქტიური ფბ-ზე, მაგრამ თვალშისაცემია ერთი დავალებით მოქმედება: ამუშავდა ისევ ჩემს წინააღმდეგ „ტროლების და ბოტების“ სისტემა… დამუნათება, მორალისტობა… ჩემი გატეხვა აწ უკვე ამდენი თავდასხმებისა, გამოცდისა და ცილისწამების გავლის […]

„დღეს ძალიან მძიმე გადაწყვეტილება მივიღე, თუმცა ჩემი გადმოსახედიდან ეს არის ერთადერთი სწორი გადაწყვეტილება, დავტოვო საპარლამენტო მანდატი. ყველას ძალიან დიდი მადლობა მინდა გითხრათ და წარამატებები ვუსურვო ჩემს ყოფილ თანაგუნდელებს და დიდი წარმატება და წინსვლა ჩემ ქვეყანას!“- წერს სოფიო ქაცარავა. მას მე-9 მოწვევის პარლამენტში საგარეო ურთიერთობათა კომიტეტის თავმჯდომარის თანამდებობა ეკავა. 14 ნოემბერს „ქართული ოცნების“ უმრავლესობა და საპარლამენტო თანამდებობები დატოვეს თამარ ჩუგოშვილმა, თამარ ხულორდავამ... Читать дальше...

აშშ-ის საელჩო მოუწოდებს, დაუყოვნებლივ გათავისუფლდეს ვაჟა გაფრინდაშვილი, ცნობილი ქართველი ექიმი და საქართველოს ტრავმატოლოგ-ორთოპედთა ასოციაციის პრეზიდენტი, რომელსაც 15 ნოემბერს საქართველოს სამხრეთ ოსეთის რეგიონის დე ფაქტო ხელისუფლებამ ორთვიანი წინასწარი პატიმრობა შეუფარდა,- ნათქვამია აშშ-ის საელჩოს განცხადებაში. „ამასთანავე, ჩვენ კიდევ ერთხელ მოვუწოდებთ, დაუყოვნებლივ შეწყდეს ადმინისტრაციული გამყოფი ზოლის მიმდებარედ გადასაკვეთი პუნქტების ჩაკეტვა. ჩვენ ხაზგასმით ვუჭერთ მხარს საქართველოს სუვერენიტეტსა... Читать дальше...

სერბეთის პრეზიდენტი ალექსანდარ ვუჩიჩი საავადმყოფოში მოათავსეს გულ-სისხლძარღვთა დაავადებით. მისი ოფიციალური ვებსაიტის ცნობით, ის წუხელ მიიყვანეს სამხედრო-სამედიცინო აკადემიაში. დიაგნოზისა და ექიმების პროგნოზების შესახებ არ იტყობინებიან. მედიის საკითხებში პრეზიდენტის მრჩეველმა, სუზანა ვასილევიჩმა სახელმწიფო სააგენტო Tanjug-ს განუცხადა, რომ ვუჩიჩის მდგომარეობა სტაბილურია. 49 წლის ვუჩიჩი 2017 წელს აირჩიეს პრეზიდენტად. ის 2012 წლიდან მუშაობდა მთავრობაში - ეკავა თავდაცვის მინისტრის, ვიცე-პრემიერისა და პრემიერ-მინისტრის თანამდებობები. Читать дальше...

ვოლოდიმირ ზელენსკისთან დონალდ ტრამპის სატელეფონო საუბრის შემდეგ, რომელიც 25 ივლისს გაიმართა, უკრაინის ხელისუფლება მზად იყო, დაეწყო გამოძიება კომპანია Burisma-ს თაობაზე, რომლის დირექტორთა საბჭოს წევრი იყო ჰანტერ ბაიდენი, აშშ-ის ყოფილი ვიცე-პრეზიდენტის, ჯო ბაიდენის ვაჟი. ამის შესახებ დონალდ ტრამპს 27 ივლისს შეატყობინა ევროკავშირში აშშ-ის ელჩმა გორდონ სონდლენდმა. სონდლენდმა ტრამპს დაურეკა კიევიდან, სადაც მისი წარმომადგენლის სტატუსით ხვდებოდა უკრაინის ხელმძღვანელობას. პრეზიდენტთან სატელეფონო საუბარი... Читать дальше...

გარკვეული პაუზა მჭირდება - პრაგმატული პოლიტიკა გონებით მესმის, ოღონდ, როგორც ჩანს, გულით არა, - უთხრა ჟურნალისტებს ჯანდაცვის საპარლამენტო კომიტეტის თავმჯდომარემ, აკაკი ზოიძემ „ქართული ოცნების“ ოფისში უმრავლესობის სხდომის დასრულების შემდეგ. აკაკი ზოიძის თქმით, სამომავლო გადაწყვეტილების მისაღებად, მათ შორის, დატოვებს თუ არა უმრავლესობას, დრო სჭირდება, ვინაიდან განხიბლულია იმ შედეგით, რაც პროპორციულ საარჩევნო სისტემასთან დაკავშირებული კანონპროექტის ჩაგდებით დადგა. „ძალიან განხიბლული ვარ საბოლოოდ... Читать дальше...

გვქონდა შეხვედრა უმრავლესობის ფორმატში, გავარჩიეთ ის, რაც მოხდა ამ გასული დღეების განმავლობაში, ეს იყო ერთ-ერთ მთავარი თემა, ასევე გვქონდა საუბარი გეგმებზე, საპარლამენტო დღის წესრიგზე, საპარლამენტო თანამდებობებზე არ ყოფილა საუბარი“,- განაცხადა „ქართული ოცნების“ წარმომადგენელმა ირაკლი კობახიძემ უმრავლესობის სხდომის დასრულების შემდეგ მედიასთან საუბარში. ირაკლი კობახიძემ განაცხადა, რომ არ განიხილება ქვეყანაში ვადამდელი საპარლამენტო არჩევნების ჩატარების ვარიანტი, მან ასევე ანიშნა, რომ ოპოზიციის მიერ... Читать дальше...

"ქართული ოცნების" ოფისში უმრავლესობის სხდომის დასრულების შემდეგ, რომელიც საპროტესტო აქციის ფონზე მიმდინარეობა, პარლამენტის წევრმა გია ვოლსკიმ ჟურნალისტებს ის თემები გააცნო, რაზეც მისი თქმით, უმრავლესობა მსჯელობდა.  დეპუტატის თქმით მმართველი პარტიის წევრებმა ილაპარაკეს მომავალი წლის ბიუჯეტზე და სოციალურ პროექტებზე, ასევე უმრავლესობაში მყოფმა პროფესიით ექიმებმა გადაწყვიტეს გააკეთონ განცხადება საოკუპაციო ძალების მიერ დაპატიმრებულ ექიმთან, ვაჟა გაფრინდაშვილთან დაკავშირებით და შეეხენ აქტივისტების და... Читать дальше...

დასრულდა "ქართული ოცნების" ოფისში მიმდინარე უმრავლესობის სხდომა, რომელიც დღეს, 11 საათზე უნდა დაწყებულიყო. სხდომის დაწყებამდე "ქართული ოფისის" ოფისთან შეიკრიბნენ პოლიტიკოსები და სამოქალაქო აქტივისტები, რომლებიც აპროტესტებენ პარლამენტის მიერ 2020 წლის საპარლამენტო არჩევნებისთვის პროპორციულ საარჩევნო სისტემაზე გადასვლის შესახებ საკონსტიტუციო ცვლილების პროექტის ჩაგდებას. აქციის მონაწილეები აცხადებენ, რომ დისკომფორტი უნდა შეუქმნან უმრავლესობის წევრებს. "სირცხვილი", "თქვენ მოატყუეთ ხალხი", "მონებო"... Читать дальше...

„ქართული ოცნების“ ოფისში მიმდინარე უმრავლესობის სხდომის პარალელურად, გარეთ ამ დრომდე შეკრებილი არიან საპროტესტო აქციის მონაწილეები, რომლებსაც პოლიცია არ აძლევს საშუალებას მიუახლოვდნენ იმ ტერიტორიას, საიდანაც უმრავლესობის წევრები შენობაში შედიან. აქციის მონაწილეები აპროტესტებენ პარლამენტის მიერ 2020 წლის საპარლამენტო არჩევნებისთვის პროპორციულ საარჩევნო სისტემაზე გადასვლის შესახებ საკონსტიტუციო ცვლილების პროექტის ჩაგდებას. პოლიციის რაოდენობა ბოლო ერთ საათში თითქმის გასამმაგდა. აქციის მონაწილეები გადაჰყავთ იმ ტერიტორიაზე... Читать дальше...

„ქართული ოცნების“ ოფისში დაგეგმილია უმრავლესობის შეკრება. აქ ასევე მივიდნენ ოპოზიციონერი პოლიტიკოსები და სამოქალაქო აქტივისტები, რომლებიც აპროტესტებენ პარლამენტის მიერ 2020 წლის საპარლამენტო არჩევნებისთვის პროპორციულ საარჩევნო სისტემაზე გადასვლის შესახებ საკონსტიტუციო ცვლილების პროექტის ჩაგდებას. საპროტესტო აქციის მონაწილეები ამბობენ, რომ დისკომფორტი უნდა შეუქმნან უმრავლესობის წევრებს. „სირცხვილია“, „თქვენ მოატყუეთ ხალხი“, „მონებო“, „წადით“ - ამ შეძახილებით აცილებენ აქციის მონაწილეები „ქართული ოცნების“ ოფისში შემავალ უმრავლესობის წევრებს. Читать дальше...