პაციენტები ამბობენ, რომ კლინიკაში გრიპის ვაქცინის ნაცვლად C ვიტამინი გაუკეთეს
როგორც ერთ-ერთი მოქალაქე, თათია დვალიშვილი აცხადებს, მას ეჭვი მას შემდეგ გაუჩნდა, რაც მედიკამენტის ყუთის ჩვენებაზე ექიმებმა უარი უთხრეს.
"როცა ბავშვის აცრა გადავიფიქრე, უცებ აუწიეს ხელი და დაარჭეს ნემსი. ჩავვარდი შოკში და ავტეხე ამბავი... ჩემი ქმარი შევარდა და აღიარეს რომ აცრეს C ვიტამინით... ფულის გაკეთების მიზნით ითაღლითეს (ერთ ვაქცინაში 75 ლარი გადავიხადეთ)", - წერს დვალიშვილი ფეისბუკზე.
კიდევ ერთი მოქალაქე "ფორმულასთან" საუბარში იხსენებს, რომ აცრასთან დაკავშირებით კითხვები უკუჩვენების შემდეგ გაუჩნდა.
"აცრის შემდეგ ამეწვა ხელი. გრიპის ვაქცინას არ აქვს ასეთი უკუჩვენება. იმ წუთასვე შევბრუნდი და რატომღაც მოვითხოვე, ნემსი ეჩვენებინათ... მომცეს საბუთი, რომ გამიკეთეს ვაქსიგრიპი, [მაგიდას] დავხედე და დავინახე C ვიტამინი".
რადიო თავისუფლებას სურდა კლინიკის ხელმძღვანელებთან გასაუბრება, თუმცა საჯარო რეესტრში მითითებული ნომერი გათიშულია. ხელმძღვანელ პირებთან დაკავშირებას ვერ ახერხებენ სხვა მედიების წარმომადგენლებიც.
შინაგან საქმეთა სამინისტროში რადიო თავისუფლებას უთხრეს, რომ ახლა შემოსულ შეტყობინებაზე პოლიცია რეაგირებას ახდენს და პაციენტებთან გასაუბრება მიმდინარეობს.
მოგვიანებით ამ საკითხზე ჯანდაცვის სამინისტროში ბრიფინგი გაიმართა: