ნიაზ დიასამიძე ნიკა გვარამიაზე: პრეზიდენტმა უნდა შეიწყალოს, ამაზე მოკლე გზას, ვერ ვხედავ
მუსიკოსი ნიაზ დიასამიძე, „მთავარი არხის“ დამფუძნებლის ნიკა გვარამიას პატიმრობას ეხმაურება და მიიჩნევს, რომ ის უკანონოდაა დაკავებული. დიასამიძის მოსაზრებით, „ამ უსამართლობის დასასრულებლად მას უმოკლეს გზად პრეზიდენტის შეწყალება“ ესახება:
„ყველაზე მოკლე გზა ისაა, რომ პრეზიდენტმა უნდა შეიწყალოს, ამაზე მოკლე გზას, ვერ ვხედავ.
სხვებიც ხაზს უსვამენ ხომ? ამერიკა, ევროპა, რაც კიდევ ერთხელ ამტკიცებს იმას, რომ ჩვენი აქ საუბარი, რაღაც პირადი აზრები არ არის, ეს ობიექტურად დანახული ამბავია“, – თქვა „მთავარი არხის“ ეთერში მუსიკოსმა.