უკრაინა რუსეთს სამხედრო ჰოსპიტალზე თავდასხმის შემდეგ "ომის დანაშაულში" სდებს ბრალს
კიევმა მოსკოვს „ომის დანაშაულში“ დასდო ბრალი მას შემდეგ, რაც რუსეთის დრონმა დაარტყეს სამხედრო ჰოსპიტალს ხარკოვში, უკრაინის სიდიდით მეორე ქალაქში.
იერიში მიტანილი იქნა სავაჭრო ცენტრზე, საცხოვრებელ სახლებსა და სხვა ობიექტებს, რის შედეგადაც, ხელისუფლების თქმით, დაიღუპა, სულ მცირე, ორი ადამიანი.
უკრაინის გენერალურმა შტაბმა რუსეთი დაადანაშაულა „საერთაშორისო ჰუმანიტარული სამართლის ნორმების დარღვევაში“ იმ თავდასხმის ფარგლებში, რომელიც მან დაგმო, როგორც „წინასწარგანზრახული, მიზანმიმართული დაბომბვა“.
მათ 30 მარტს დასძინეს, რომ დაღუპულთა შორის არიან სამხედროები, რომლებიც სამედიცინო ცენტრში მკურნალობდნენ.
ხარკოვის თავდასხმამდე ერთი საათით ადრე, უკრაინის პრეზიდენტმა, ვოლოდიმირ ზელენსკიმ განაცხადა, რომ კიევი დასავლეთის ქვეყნებისგან ძლიერ პასუხს ელოდება მის ტერიტორიაზე რუსული უპილოტო საფრენი აპარატების თითქმის ყოველდღიურ თავდასხმებზე.
„ჩვენმა პარტნიორებმა ცხადად უნდა გაიგონ, რომ ეს დარტყმები არ არის მხოლოდ თავდასხმები უკრაინელ მშვიდობიან მოსახლეობაზე, არამედ, ასევე, ყველა საერთაშორისო ძალისხმევაზე - სწორედ იმ დიპლომატიაზე, რომლის გამოყენებასაც ვცდილობთ ამ ომის დასასრულებლად“, - თქვა ზელენსკიმ თავის ღამის ვიდეომიმართვაში 29 მარტს.