Түркияда екі апта ішінде COVID-19 жаңа жағдайларының саны 5 есе өсті
Түркияда соңғы екі аптада коронавирус инфекциясын жұқтырғандар саны бес есе өсті. Денсаулық сақтау министрі Фахреттин Коджа 50 жастан асқан тұрғындарға вакцинаның келесі дозасын алуға кеңес берді, - деп хабарлайды Tengrinews.kz тілшісі МК.ru сайтына сілтеме жасап.
27 маусымнан 3 шілдеге дейін ауру жағдайлары алдыңғы аптамен салыстырғанда 114 пайызға артты.
"Соңғы екі аптадағы өсім бес есеге жуық", - деп хабарлады NTV.
Коджа Түркияда, сондай-ақ әлемде індет өршіп бара жатқанын мәлімдеді.
Елде 50 жастан асқан және қауіп тобындағы адамдарға вакцинаның кезекті дозасын алуға кеңес берілді. "Кейінгі вакцинациядан бері 6 ай өтсе салдыру керек", - деді Түркияның денсаулық сақтау министрі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!