Депозиттерге өтемақы төлеу рәсімі қалай жүзеге асады
АСТАНА. ҚазАқпарат - Үкімет басшысы қаңтар айында депозиттер бойынша өтемақы төлеу туралы қаулыға қол қойды. Құжатқа сәйкес, депозиті бар қазақстандықтарға 10% көлемінде өтемақы төленеді. Салымшылар бүгіннен бастап депозитінен ішінара немесе толығымен ақша ала алады. Мемлекет ол үшін екінші деңгейлі банктерге жалпы соммасы 306 млрд теңге көлемінде ақша аударған. Мұның жинақ, мерзімді, мерзімсіз, білім беру жинақтау салымдары және тұрғын үй құрылыс жинақтары жүйесіндегі салымдарға да қатысы бар. Өтемақы төленетін ең жоғары сома – 20 миллион теңге. Өтемақы қандай депозиттерге төленеді? Өтемақы алудың шарттары қандай? Бұл туралы толығырақ ҚазАқпарат сарапшысының материалында.