Әр азаматтың таңдауы ел болашағы үшін маңызды: Жамбыл облысының әкімі референдумда дауыс берді
Жамбыл облысының әкімі Ербол Қарашөкеев Қазақстан Республикасының жаңа Конституциясын қабылдау жөніндегі республикалық референдумға қатысты.
Өңір басшысы Жамбыл атындағы №5 мектеп-гимназиясында орналасқан №35 референдум учаскесінде өз таңдауын жасады.
Ербол Қарашөкеев бұл күннің ел үшін айрықша мәні бар екенін атап өтіп, әрбір азаматты референдумға белсенді қатысуға шақырды.
– Өңір тұрғындарының белсенділігі мемлекеттің болашағына деген жауапкершіліктің көрінісі болатынына сенімдімін, – деп атап өтті облыс әкімі.
Жамбыл облысында референдумның 513 учаскесі ашылды. Барлық учаскелер өз жұмысын 07:00-де бастады. 20:00-ге дейін ашық болады. Учаскелердің ең көп саны Тараз қаласында орналасқан – 154. Қордай ауданында – 58, Шу ауданында –44, Меркі ауданында – 41, Жуалы ауданында – 39 учаске бар.
Өңірде референдумға қатысуға барлығы 721 993 азамат құқылы.
Дауыс беруге қатысушылар үшін барлық қажетті жағдай жасалып, үдерістің ашық әрі заңнама талаптарына сай ұйымдастырылуы қамтамасыз етілді. Комиссиялардың жұмысына бақылаушылар қатысып, дауыс беру рәсімінің заңдылығы мен ашықтығын қадағалауда.
Сообщение Әр азаматтың таңдауы ел болашағы үшін маңызды: Жамбыл облысының әкімі референдумда дауыс берді появились сначала на ZhambylNews АҚПАРАТ АГЕНТТІГІ - Жамбыл облысы жаңалықтары.