Орусияда "Сталиндин өлүмү" тасмасы көрсөтүлбөйт
Мурдараак Маданият министрлигинин юристтер тобу мекеменин башчысы Владимир Мединскийди фильмде байкалды делген экстремизм белгилеринен улам анын өлкө аймагына көрсөтүлүшүнө тыюу салууга чакырган.
"Юристтердин кайрылуусунан" кийин министрликтин Коомдук кеңеши фильмди кайра көрүп чыгып, жогорудагыдай чечим кабыл алды.
Министрлик "Сталиндин өлүмү" фильмин прокатка чыгаруу боюнча күбөлүктү 17-январда берген. 25-январдан тарта фильм Москванын отуздай кинотеатрларында көрсөтүлүп баштамак. Бир күн мурда тасманы көрсөтүүдөн Екатеринбург шаарынын кинотеатрлары баш тарткан.
"Сталиндин өлүмү" деп аталган британиялык сатиралык комедиянын дүйнөлүк премьерасы 2017-жылдын сентябрь айында Лондондо өткөн. Анда 1953-жылы Иосиф Сталин көз жумгандан кийинки СССРдеги бийлик талаш баяндалган.