Аба ырайынан улам Жалал-Абад-Бишкек авиакаттамы токтотулду
Ондогон жүргүнчүлөр уюштуруу иштери начар болуп жатканына нааразы болушту. Айрымдары моралдык чыгым талап кылууну жана Ошко чейин транспорт уюштуруп берүүнү талап кылышты.
“Азаттыктын” кабарчысы Санжар Эралиевдин белгилешинче, билеттер Ошко которулганына байланыштуу такси баасы 250 сомдон дароо 400 сомго кымбаттады. Авиакаттамды аткарган “Тез жет” компаниясы каттам аба ырайына байланыштуу токтотулганын жана Ош аэропортуна чейин жүргүнчүлөрдү жеткирүү милдетин албай турганын айтты.
Маалыматка караганда, Жалал-Абад – Бишкек каттамы 26-январда да учпай калган. Жүргүнчүлөр арасында эки күндөн бери рейсти күтүп отургандар бар.
Бишкек - Жалал-Абад - Бишкек багыты боюнча шаршемби, жума жана жекшемби күндөрү бирден рейс болот. (КЕ)