Трамп Путин менен Израил-Палестина маселесин сүйлөштү
Эки лидер 12-февралда, Путин менен Палестина автономиясынын лидери Махмуд Аббастын Москвада менен болгон жолугушуусун утурлай сүйлөшүштү. Аббас менен жолукканда Путин Трамп менен баарлашканын айтты.
"Кырдаал биз каалагандай эмес",-деген Путин ал ар дайым палестин элин колдоп келгенин кошумчалады.
Аббас болсо палестиндер Кошмо Штаттарды мындан ары тынчтык жараянга жалгыз ортомчу катары кабыл алышпасын билдирди.
Трамп өткөн жылдын соңунда Иерусалимди Израилдин борбору катары таанып, Американын элчилигин бул шаарга көчүрүү ишин баштоого боюнча чечимин жарыялаган. Бул билдирүү палестиндердин жана эл аралык коомчулуктун нааразылыгын жараткан.
Палестиндер Чыгыш Иерусалимди өздөрүнүн болочоктогу мамлекетинин баш калаасы катары көрүшөт. Аббастын Москвага сапарынан эки апта мурда Израилдин премьер-министри Биньямин Нетаньяху Путин менен жолугушуп кеткен. Башында Аббас Путин менен Сочиде жолугууну боолгоп жаткан. Бирок Орусиянын лидери Москвага жакын жерде болгон учак кырсыгына байланыштуу Москвада калууну чечкен.