Түштүк Кореянын экс-президентинин курбусу 20 жылга кесилди
Чхве Сун Силь бир нече жыл бою Түштүк Кореянын экс-президенти Пак Кын Хенин кеңешчиси болуп турган. Эки жыл мурда саясий чуу чыгып, тергөөнүн натыйжасында Чхве Сун Силь өз таасирин колдонуп, ири корпорацияларды өзүнө байланыштуу фонддорго акча бөлүүгө мажбурлаганы маалым болгон.
Пак Кын Хе болсо 2017-жылдын жазында импичмент аркылуу бийликтен четтетилген. Ал да "коррупцияга аралашкан, кызматынан кыянаттык менен пайдаланган жана мамлекеттик сырды ачкан" деген айыптар менен камакка алынган.