Экс-губернатор Түлеев Кемеровонун парламентин жетектейт
Кузбастын аймактык кеңешинин төрагасы Алексей Синицын дүйшөмбүдө мөөнөтүнөн мурда кызматтан кетип, ал орунга Түлеев ылайыктуу экенин айтты. Жаңы төраганы шайлоо 10-апрелде өтөөрүн басма сөз кызматы кабарлады.
3-апрелде Түлеев Кемерово облустук кеңешине депутат болуп дайындалып, мандат алган.
73 жаштагы Түлеев Сибирдин табыгый байлыкка мол облусун 1997-жылдан бери жетектеген.
25-мартта Кемерово шаарындагы "Зимняя вишня" аттуу соода борборунда чыккан өрттө 64 киши өлгөндөн кийин аны кызматтан алуу талабы айтылган.