Бишкекте абанын булгануу себептерин талкуулап жатышат
Жыйынга Жогорку Кеңеш депутаттары, өкмөт өкүлдөрү, экологдор катышууда. Иш-чараны “Ачык асман” коомдук уюму өткөрүүдө.
Абанын булганышына байланышкан көйгөй Бишкек шаарында курч. Жергиликтүү экологдор буга чейин баш калаада абанын булганышы нормадан 2-3 эсе ашып кеткенин билдирип чыгышкан.
Айлана-чөйрөнү коргоо агенттигинин маалыматына караганда, Бишкектин атмосферасындагы ден соолукка зыян заттардын 90% автоунаадан чыгат. Таза эмес аба Бишкекте өпкө оорулардын көбөйүшүн шарттап жатканын дарыгерлер да маалымдашкан. (ErN)