Активисттер бак-дарактарды кыюуга каршы жүрүшкө чыгышат
Анын айтымында, жүрүштө тал-теректерди кыюуну токтотуу, абанын булганышынын алдын алуу, таштандыларды тазалоо, Бишкектин архитектуралык жана инфраструктуралык келбетин бузбоо талабы коюлат.
Мындай жүрүш апрелде да өткөн. Ага катышкан активисттер жана укук коргоочулар президент Сооронбай Жээнбековго жана Жогорку Кеңештин төрагасы Дастан Жумабековго кайрылуу жолдоп, өз талаптарын аткарууну суранышкан.
Расмий маалыматка караганда, былтыр борбордо 3000ге жакын бак-дарак кыйылган. Мэр Албек Ибраимов бак-дарактарды кыюу аргасыз чара экенин, бирок кыйылган бир бактын ордуна былтыр жети, быйыл он бештен көчөт отургузулганын маалымдаган. Экологдор Бишкекте абанын булганышы нормадан 2-3 эсе көп экенин айтып чыгышкан. (NT)