ЖЭБ боюнча корутунду чыкты
![ЖЭБ боюнча корутунду чыкты](https://gdb.rferl.org/2432C25D-941F-461A-8F43-5850784B3660_cx0_cy5_cw0_w800_h450.jpg)
Бишкек Жылуулук электр борборундагы (ЖЭБ) кырсыкты жана аны оңдоого алынган каражатты иликтеген депутаттык комиссия корутунду чыгарды. Анда "Кытайдан алынган насыя боюнча документтерге кол койду" деген бир катар жетекчилерге укуктук баа берүү тууралуу сунуш киргизилди. Алардын арасында өкмөттүн мурдагы башчылары, министрлер бар. Бирок мындай чечимге мурдагы жетекчилер нааразылыгын билдирип жатышат. Алар депутаттык комиссияны "ишти үстүртөдөн иликтеп, элге жаңылыш маалыматтарды берди" деп сынга алышууда.