Тажикстанда жер титиреди
АКШнын Геология кызматы шаршембиде болгон жер титирөөнүн күчү 5,7 баллга жеткенин билдирди. Зилзаланын очогу Гиндикуш тоолорунда Хорог шаарынан 53 чакырым жердеги Ооганстандын аймагында катталды. Баш калаа Дүйшөмбү шаарында да жер титирөөнүн толкуну бир мүнөтчө сезилип, тургундар үйлөрүнөн сыртка чыга качууга үлгүрүшкөнүн “Азаттыктын” тажик кызматы кабарлады.
Жердин силкинүүсү Согди жана Хатлон облустарында да сезилди. Жабыркагандар жана кандайдыр зыян болгону тууралуу маалымат жок.