Бишкекте КДКнын 28 жылдыгына арналган жыйын өттү
Бишкекте бүгүн “Кыргызстан демократиялык кыймылы” (КДКнын) 28 жылдыгына арналган жыйын өттү. Бул тууралуу аталган кыймылдын төрагасы, укук коргоочу Турсунбек Акун "Азаттыкка" билдирди.
Анын айтымында, Маданият, маалымат жана туризм министрлигинде өткөн жыйынга 40тай киши катышты. Жыйынтыгында коомдогу орчундуу көйгөйдү коомдук ишмерлер, активисттер менен чогуу талкуулоо үчүн жыйын уюштуруу боюнча бийликке кайрылуу кабыл алынды.
1995-жылы 25-26-майда Кыргыз ССРинде “Кыргызстан демократиялык кыймылынын” биринчи уюштуруу жыйыны өткөн. Аталган кыймыл СССР таркап кетердин алдында Кыргызстанда коммунисттик режимге ачык атаандашкан саясий күч болуп чыгып, өлкөдөгү демократиялык жараянды тездетүүдө орчундуу роль ойногон.
КДК ошол жылдары өлкөнүн коомдук-саясий турмушунда коммунисттик бийликке ачык атаандашкан реалдуу күчкө айланып, 1990-жылы Абсамат Масалиев башында турган коммунисттик бийликтин кулашына салым кошкон.